பெங்களூரு: பெங்களூருவின் அவுட்டர் ரிங் சாலையில், ஒரு விளம்பரப் பதாகை வைப்பதற்காக 17 மரங்கள் கொல்லப்பட்டுள்ளன.

மார்ச் 2-ம் தேதியன்று, பெங்களூருவில் ஒரு விளம்பரப் பதாகை நன்றாக தெரிய வேண்டும் என்பதற்காக மரங்கள் பல அழிக்கப்பட்டுள்ளதாக புகார் வந்துள்ளது. இதையடுத்து சம்பவ இடத்துக்கு அரசு தரப்பு அதிகாரிகள் விரைந்துள்ளனர் . கிட்டத்தட்ட 17 மரங்களின் வேரில் அமிலம் ஊற்றப்பட்டு, அவைகள் கொல்லப்பட்டுள்ளன என்பதை கண்டறிந்தனர் அதிகாரிகள்.

‘அமிலம் ஊற்றி கொல்லப்பட்ட மரங்களில் மூன்று மரங்களை மட்டுமே எங்களால் காப்பாற்ற முடிந்தது. மேலும், 13-க்கும் மேற்பட்ட மரங்களின் கிளைகள் வெட்டப்பட்டுள்ளன. இவை அனைத்தும் ஒரேயொரு விளம்பரப் பதாகைக்காக செய்யப்பட்டுள்ளது.’ என்று அரசு தரப்பு அதிகாரிகள் விளக்கம் அளித்துள்ளனர்.

இந்தப் பதாகை தனியார் ஒருவருக்கு சொந்தமான இடத்தில் நிறுவப்பட்டுள்ளது. இந்த சம்பவம் குறித்து, சம்பந்தப்பட்டவர்களுக்கு நோட்டீஸ் அனுப்பப்பட்டுள்ளது. சீக்கிரம் சம்பந்தப்பட்டவர்கள் மீது நடவடிக்கை எடுக்கப்படும் என்று தெரிவிக்கப்படுகிறது.

Advertisements